Աստղագուշակ մայիսի 1-ի համար

Խոյ. Դուք զգում եք, որ ձեզ հասկանում են, սիրում, գնահատում և աջակցում:

Հնարավոր են նոր ռոմանտիկ հրապույրներ, չի բացառվում լուրջ հարաբերությունների սկիզբ: Ինչ խոսք, դա այնքան էլ հեշտ չի լինի, սակայն նպատակին հասնելու ուրիշ ձևեր չկան: Շատ դժվար է ղեկավարության հետ ընդհանուր հայտարարի գալը` անվերջ տարաձայնություններ և վեճեր են ծագում:Ավելի հեշտ է մտերիմների հետ հարաբերությունները կարգավորելը:

Ցուլ. Դուք մեծ ցանկություն ունեք ձեր նկատմամբ ուշադրություն հրավիրել, և դա ձեզ հաջողվում է: Ձեր մասին շատերն են խոսում, սակայն ցավոք` ոչ միայն հաճելի բաներ: Արժե հեռավոր ուղևորությունների մեկնել, բանակցություններ վարել օտար տարածքում: Հատկապես հաջող կանցնեն արտերկրից ժամանած գործընկերների հետ բանակցությունները: Իսկ հեռուներից ժամանած մարդու հանդեպ համակրանքը կարող է բուռն և երկարատև սիրավեպի սկիզբը դնել:

Երկվորյակ. Այսօր գործընկերները փորձում են ոգևորել կամ գոնե շտապեցնել ձեզ, ինչը ձեզ միայն նյարդայնացնում է: Դուք պահերով սադրում եք կոնֆլիկտներ, սակայն կարողանում եք ինքներդ էլ հարթել ավելի վաղ, քան դրանք լուրջ բնույթ կստանան: Հակառակ սովորականին, դուք չեք ձգտում հասնել ձեր նպատակին անթաքույց գործողությունների շնորհիվ, այլ նախընտրում եք օգտվել շրջանցիկ ուղիներով: Դա ձեզ կարող է ծիծաղելի իրավիճակների մեջ գցել, սակայն ընդհանուր առմամբ արդյունավետ վախճան կունենա:

Խեցգետին. Օրը առավելագույնս հարմար է ընտանեկան հարաբերություններում առկա տարաձայնությունները կարգավորելու համար: Կարելի է լուծել ցանկացած կուտակված խնդիր, այդ թվում և` ունեցվածքի հետ կակպված: Չնայած որ դուք ցուցադրաբար խուսափում եք լուրջ տոնից և ամեն ինչ կատակի վերածում, այնուամենայնիվ ձեր վարկանիշը մնում է բարձր: Ձեզանից այսօր պահանջվում է ընդամենը պահպանել հնարավորինս լավ տրամադրություն և չխանգարել ցանկացողներին` լուծել ձեր խնդիրները: Սկզբում դուք ձեզ մի փոքր անսովոր կզգաք, սակայն երեկոյան դա ձեզ կսկսի դուր գալ։

Առյուծ. Տնային գործերին այսօր կարող է հերթը չհասնել, և պետք չէ դրա համար մտատանջությունների մեջ ընկնել` ավելի լավ կլինի այսօր հանգստանաք դրանցից և զբաղվեք ձեզ համար ավելի հաճելի ու հոգեհարազատ որևէ բանով: Հնարավոր կլինի ոչ միայն ավարտել հին գործերը, այլև ձեռնամուխ լինել նոր նախագծերի` երկուսն էլ դուք հիանալի գլուխ կբերեք: Հիշեք, որ համատեղ աշխատանքում դուք կարող են հենվել միայն նրանց վրա, ովքեր նախկինում ձեզ օգնել են:

Կույս. Ծայրահեղ բարդ օր է շփումների տեսանկյունից: Եթե ձեզ հանկարծ թվա, թե ձեզ հասկանում են կեսխոսքից, ապա նախևառաջ պետք է զգուշանալ, քանի որ ամենայն հավանականությամբ ձեր դիմացինը մի ինչ-որ վտանգավոր բան է ծրագրել ձեր դեմ: Ձեզ տանջում է շուրջը կատարվող ամեն ինչի միապաղաղ կանխատեսելիությունը, ինչ-որ սկզբունքային նոր բանի կարիք ունեք, սակայն անգամ չեք պատկերացնում, թե որտեղից այն կարելի է գտնել: Ինչ-որ փոփոխությունների նախաձեռնումը ձախողման է ենթարկվում։

Կշեռք․ Ուրիշ ի՞նչ կերպ անվանել այն իրողությունը, երբ դուք փոխանակ օրը հանգիստ անցկացնելու, անվերջ նախընտրում եք ինքներդ ձեզ խնդիրներ ստեղծել: Տարաձայնությունները ծագում են ինչպես տանն, այնպես էլ` աշխատավայրում, և հիմնականում` ձեր մեղքով, քանի որ դուք ոչ մի կերպ ձեզ նեղություն չեք տալիս` դիմացինին լսելու: Փոքր ինչ բարդ կլինի ստեղծագործական բնույթի աշխատանքով զբաղվողների համար, սակայն նրանք էլ ի վերջո այսօր կգտնեն իրենց տեղը:

Կարիճ. Օրը հարմար է երեխաների շփվելու համար` նրանց հետ այսօր դուք հեշտությամբ եք լեզու գտնում: Ժամանակ առ ժամանակ ծագում են տարաձայնություններ մտերիմների հետ, սակայն բնատուր հումորի գգացումն ու բարությունը ձեզ օգնում են խուսափել վեճերից: Կարելի է փորձել նպատակին հասնելու համար ինչ-որ նոր մեթոդներ կիրառել` միգուցե դրանք հներից ավելի արդյունավետ լինեն: Հանդիպումները ցանկալի է նշանակել օրվա երկրորդ կեսին, քանի որ հենց’ այդ ժամանակահատվածում է ձեզ համար հեշտ ծանրակշիռ ու համոզիչ արտահայտվելը:

Աղեղնավոր. Այսօր դժվար է գայթակղություններին դիմակայելը, նշանի որոշ ներկայացուցիչներ, ձգտելով անմիջապես ստանալ դրական էմոցիաներ, թույլ են տալիս լուրջ վրիպումներ: Մտերիմների հետ շփումները ուրախացնում է, թարմություն մտցնում տրամադրության մեջ: Օրվա երկրորդ կեսին հնարավորություն է ընձեռնվում լուծել ինչ-որ վաղեմի ընտանեկան տարաձայնություն: Ռոմանտիկ հարաբերություններ սկսելն այսօր այնքան էլ խրախուսելի չէ, քանի որ դուք դժվարությամբ կկարողանաք ճիշտ կողմնորոշվել ձեր զգացմունքներում:

Այծեղջյուր. Օրը հարմար է տնային գործերի` վերանորոգման, բնակարանը բարեկարգելու, որոշ իրերով թարմացնելու համար: Այնինչ, իրականում որևէ էական բան տեղի չի ունենում, իրադարձություններն ընթանում են ամենասովորական հունով, և անգամ եթե դուք շատ փորձեք փոխել դրանց ընթացքը, ոչ մի լավ բանի չեք հասնի:Օրվա երկրորդ կեսին դուք կարող եք անսպասելի ժամադրության հրավերք ստանալ, միայն թե հիշեք, որ այն չի անցնի ձեր սպասած ռոմանտիկ սցենարով:

Ջրհոս. Օրվա ընթացքում սովորականից ավելի շատ կլինի աշխատանքը, հնարավոր է անգամ, որ ստիպված լինեք արտաժամյա աշխատել` հրաժարվելով ինչ-որ սեփական պլաններից: Ցանկալի չէ կանանց հետ անկեղծանալը` նրանք իրենց շահերի համար կօգտագործեն այն ամենն, ինչը ձեզանից լսել են: Չարժե սրտին մոտ ընդունել աշխատակիցների հետ տարաձայնությունները` շատ շուտով ձեր արդարացիությունը բոլորի համար ակնհայտ կդառնա:

Ձկներ. Հանգիստ օր է սպասվում։ Դուք կարող եք ավարտել հին նախագծերի վրա սկսած գործերը, ամփոփել արդյունքները: Նոր մտահղացումների իրականցմանն ավելի լավ է դեռևս ձեռնամուխ չլինել` դժվար թե ձեզ հաջողվի ամեն ինչ պատշաճ մակարդակով անել: Օրվա երկրորդ կեսին դուք ավելի նյարդային ու անհամբեր կդառնաք, ինչով լուրջ խնդիրներ կառաջացնեք մտերիմների շրջանում: Սակայն կգտնվի մարդ, ում շնորհիվ կվերականգնվեն ձեր կենսուրախությունն ու բարյացկամությունը: