«Քոչարյանի «զոհերի» թիվը դարձավ 18. երեկ մահացավ ցմահ դատապարտյալ Արմենակ Մնջոյանը». Արտակ Գալստյան

ՔՈՉԱՐՅԱՆԻ 《ԶՈՀԵՐԻ》 ԹԻՎԸ ԴԱՐՁԱՎ 18։

Երեկ մահացավ Ցմահ դատապարտյալ Արմենակ Մնջոյանը։
Նա ազատազրկված էր 24 տարի։
Ամենևին չեմ ցանկանում անրադառնալ նրա մեղքին։
Ուղղակի կասեմ,որ ամեն հանցանք ունի իր պատիժը և երբ մարդուն պատիժ նշանակելուց նշանակում ես ավելի խիստ քան նախատեսված է օրենքով,ապա դա նույնպես հանցագործություն է,կասեմ ավելին այդպիսի քայլ կատարողը երբ շեղվում է օրենքից,իրեն դնում է Աստծո տեղ և մարդկային ճակատագիր է որոշում։
Իսկ դա արդեն աններելի մեղք է։
Արմենակ Մնջոյանի հետ միասին Ռոբերտ Քոչարյանի Ն֊103Ա ակնհայտ ապօրինի հրամանագրով 2003 թ օգոստոսի 1֊ին 42 անձի մահապատիժը իբր թե ներման ակտով փոխվեց Ցմահ ազատազրկման։
Ընդ որում,2003 թ օգոստոսի 1 ֊ին ընդունված քրեական օրենսգրքով արդեն իսկ մահապատիժ պատժատեսակ գոյություն չի ունեցել։Փաստացի Քոչարյանը գոյություն չունեցող պատժատեսակն է փոփոխել Ցմահ ազատազրկման։
Այն էլ այն դեպքում,երբ հանցագործության կատարման պահին գործող օրենսդրության 23 հոդվածի համաձայն մահապատժի իրականացման անհնարինության դեպքում այն միմիայն դատարանի միջոցով կարող է փոփոխվել ազատազրկման առավելագույնը 20 տարի ժամկետով։
Ըստ հավաստի լուրերի Եվրոպական Միությունը ,երբ Ցմահ Դատապարտյալների թիվը երկրում հասնում էր 100 ի սկսում էր լուրջ ֆինանսական օգնություն տրամադրել պետությանը։
Եթե սա իրական է,ապա հենց այս հանգամանքն էլ եղել է խթանը,որ գրիչի մեկ հարվածով 42 անձ 20 տարվա ազատազրկման փոխարեն ստացել են Ցմահ և նրանց թիվը դարձել է 103։
Փաստացի մարդկային կյանքեր,փողի դիմաց։
Ինչև է,42 հոգուց այսօր կենդանի են մնացել 34 հոգի։
Բացի մարտի 1 ֊ի տասը զոհից ևս 8 հոգու մահվան համար պատասխանատու է Ռոբերտ Քոչարյանը և նրան սպասարկող դատարանները։
Ամփոփեմ՝
Ցմահ ազատազրկվածների այս քանակը,դա խարան է մեր պետության համար։
Առաջին հերթին պետք է ազատ արձակվեն Քոչարյանի ապօրինի հրամանով Ցմահ ազատազրկման դատապարտված և կենդանի մնացած 34 հոգին,ովքեր կալանքի տակ են 20 տարուց ավելի և այդ ընթացքում նոր հանցանք չեն կատարել։
Ապրեք խաղաղությամբ և հավատով,այսօր Սուրբ Ծնունդ է։
Ցավակցում եմ Մնջոյանի ընտանիքին։

Արտակ Գալստյան։

Понравилась статья? Поделиться с друзьями: